Google ADS

Tifozi uellsian e humb portofolin, u befasua çfarë bëri një i ri shqiptar

16:16 | 21 Nëntor 2018
Arbresh.info

Një tifoz nga Wellsi i cili kishte ardhur në Shqipëri për të ndjekur ndeshjen miqësore të futbollit mes vendit të tij dhe Shqipërisë mësohet se ditën e djeshme kishte humbur portofolin bashkë me paratë, biletat për ndeshjen dhe biletat e udhëtimit.

Por, një i ri shqiptar ia kishte kthyer portofolin me gjithçka që kishte brenda të paprekur. Lajmi bëhet i ditur nga grupi i tifozëve nga Wellsi në Twitter ‘FSFWalesfanemb” që ndër të tjera shkruan se portofolin e Leyshon Thomas e ktheu një djalë i ri shqiptar dhe asgjë nuk ishte prekur brenda.

Komenti në rrjetin social nuk ka kaluar pa u vënë re nga tifozët e tjerë të cilët kanë përgëzuar të riun shqiptar emri i të cilit nuk bëhet i ditur duke u shprehur me fjalë pozitive për Shqipërinë.

Shpërndaje në rrjete sociale

Lajmet më të lexuara

Të ngjashme

Foto lajm